Petroleum Employees Union,Mumbai

Attention all :

Petroleum Employees Union, Mumbai is fighting a legal battle against the unjust 21-day duty pattern during the monsoon.
In this regard, the Hon. CGIT Nagpur delivered a historic judgment on May 15, 2026, stating that “workers must be paid overtime (OT) for the 7 days from the 15th to the 21st day.”

The management has approached the
Hon. Bombay High Court against this decision of the Hon.CGIT.
The hearing for this case took place on June 22, 2026, in the Hon. Bombay High Court. Since the union received the petition just two days ago, the union’s lawyers requested a next date to get time to file the reply to the petition.

Accordingly, the next hearing will be held on Tuesday July 14, 2026, in the Hon. Bombay High Court.

बंधू आणि भगिनींनो,

मान्सुन मधील २१ दिवसांच्या अन्यायकारी ड्युटी पॅटर्न विरोधात फक्त पेट्रोलियम एम्प्लाईज युनियन, मुंबई कायदेशीर लढा देत आहे. या संदर्भात मा. CGIT नागपुर यांनी १५ मे २६ रोजी ” कामगारांना १५ ते २१ या ०७ दिवसांचा ओटी दयावा लागेल ” असा ऐतिहासिक निर्णय दिला आहे.

व्यवस्थापनाने मा. CGIT च्या सदर निर्णया विरुद्ध मा. मुंबई हायकोर्टात धाव घेतली आहे. दि.२२.०६.२०२६ सदर प्रकरणाची सुनावणी मा. मुंबई हायकोर्टात झाली. यासंदर्भात फक्त ०२ दिवसांपूर्वीच पीटीशन प्राप्त झाल्याने युनियनच्या वकिलांनी पीटीशन ला उत्तर देण्यासाठी वेळ मिळावा म्हणुन पुढील तारीख मागितली, त्यानुसार पुढील सुनावणी मंगळवार दि. १४.०७.२०२६ रोजी मा. मुंबई हायकोर्टात होणार आहे.

–पेट्रोलियम एम्प्लॉईज युनियन,
मान्यताप्राप्त युनियन,
डब्ल्यू. ओ. यु, ओएनजीसी, मुंबई

PEU Letter on Colony Accommodation issues at Mumbai Dt. 17.06.2026

प्रिय कामगार बांधवांनो आणि भगिनींनो,

आवाहन

ऑफशोअरला काम करणारा प्रत्येक कर्मचारी हा केवळ ओएनजीसीसाठी काम करणारा कर्मचारी नसतो, तर तो आपल्या कुटुंबाचा आधारस्तंभही असतो.
आपण महिनोन्‌महिने आपल्या घरापासून, मुलांपासून, आई-वडिलांपासून दूर राहून अत्यंत कठीण आणि जोखमीच्या परिस्थितीत काम करत असतो. समुद्राच्या मध्यभागी, मर्यादित साधनांमध्ये आणि मानसिक तणावात काम करताना आपल्या आरोग्याचा, मानसिक स्थितीचा आणि सुरक्षिततेचा प्रश्न अत्यंत महत्त्वाचा ठरतो.

म्हणूनच ओएनजीसी कडून सुरू करण्यात आलेला “Wellness WeAVE – Offshore Wellness Survey” हा केवळ एक सर्वे नसून आपल्या भविष्याशी, सुरक्षिततेशी आणि कल्याणाशी जोडलेला अत्यंत महत्त्वाचा उपक्रम आहे.
उद्या आपल्या कामाच्या अटी, मानसिक आरोग्य सुविधा, सुट्या, कुटुंबाशी संबंधित धोरणे आणि ऑफशोअरवरील वातावरण सुधारण्यासाठी जे काही निर्णय घेतले जातील, त्याचा पाया ह्या सर्वेवर उभा राहू शकतो.

पेट्रोलियम एम्प्लॉइज युनियनच्या वतीने सर्व ऑफशोअर कर्मचाऱ्यांना कळकळीचे आवाहन करण्यात येते की, कृपया मोठ्या संख्येने आपल्या ईमेल वर आलेल्या लिंक वर जाऊन या सर्वेमध्ये सहभाग नोंदवा आणि आपले मत प्रामाणिकपणे मांडावे.
लक्षात घ्या की, सदरील सर्वे मधील आपली ओळख गुप्त ठेवण्यात येणार आहे म्हणून बिनधास्तपणे आपण आपल्या हरकती नोंदवा, सूचना द्या.

आपण शांत राहिलो तर आपल्या अडचणी कागदावर कधीच दिसणार नाहीत. पण आपण एकत्रितपणे बोललो, तरच व्यवस्थापनाला आपल्या वास्तव परिस्थितीची जाणीव होईल.

लक्षात ठेवा जशी ओएनजीसीला आपल्या कामाची गरज आहे, तशीच आपल्या कुटुंबालाही आपल्या सुरक्षित आणि निरोगी उपस्थितीची गरज आहे. त्यामुळे हा सर्वे केवळ कंपनीसाठी नाही, तर आपल्या स्वतःच्या आणि आपल्या कुटुंबाच्या भविष्यासाठी आहे.

मोठ्या संख्येने सहभाग नोंदवा.
आपला आवाज महत्त्वाचा आहे.
एकजूट हीच आपली ताकद आहे.

पेट्रोलियम एम्प्लॉइज युनियन, मुंबई

“जेव्हा एखादा कामगार कर्मचारी श्रेणीतून अधिकारी पदावर जातो,
तेव्हा तो प्रवास सोपा नसतो.
त्यात वर्षांची मेहनत, कौटुंबिक त्याग आणि युनियनच्या माध्यमातून दिलेला लढा देखील असतो.”

२०११, २०१३ आणि २०१५… ही केवळ वर्षं नाहीत, तर ओएनजीसीच्या अंगणात आपण एकत्र पेरलेल्या स्वप्नांची आणि संघर्षाची सुरुवात होती.
याच वर्षांमध्ये आपल्या कर्मचारी श्रेणीत रुजू झालेले आपले अनेक खंदे शिलेदार या वर्षीच्या PLT (Promotion Linked Transfer) प्रक्रियेमुळे मुंबई रिजनमधून देशाच्या विविध कानाकोपऱ्यांत नव्या जबाबदाऱ्या स्वीकारण्यासाठी रवाना होत आहेत.

एका प्रदीर्घ, अविस्मरणीय प्रवासाची सांगता करत, डोळ्यांत भविष्याची स्वप्ने आणि आठवणींचे गाठोडे घेऊन आपण नव्या कार्यस्थळाकडे पाऊल टाकत आहात.

हा केवळ प्रशासकीय बदल नाही;
हा तुमच्या घामाचा, तुम्ही घेतलेल्या कष्टांचा आणि अविरत केलेल्या समर्पणाचा मिळालेला एक हक्काचा सन्मान आहे !!

कर्मचारी श्रेणीतील तुमच्यासारख्या लढवय्या सहकाऱ्यांच्या ताकदीमुळेच आपली युनियन आज इतकी सक्षम, सजग आणि वज्रमुठीसारखी बलशाली बनली आहे.
व्यवस्थापनाशी दोन हात करताना, हक्काच्या लढाईत आपण खांद्याला खांदा लावून लढलो. अनेक संघर्षांत आपण एकजुटीने आवाज उठवला आणि त्या प्रत्येक कठीण प्रसंगात तुमचे योगदान अनमोल राहिले.

युनियन ही केवळ कागदावर शाहीने उमटवलेली संघटना नसते,
ती कामगारांच्या रक्ताने, घामाने, विश्वासाने आणि संघर्षाने उभी राहिलेली एक जिवंत शक्ती असते आणि तुम्ही या शक्तीचा सर्वात मजबूत आणि अविभाज्य कणा होतात आणि अविरत राहाल !!

आम्हाला तुमचा सार्थ अभिमान आहे !!

आज तुम्ही तुमच्या कर्तृत्वाने पदोन्नती (Promotion) मिळवून अधिकारी पदावर पोहोचला आहात,
ही आपल्या युनियनसाठी अभिमानाची बाब आहे. कालपर्यंत कामगारांचे हक्क सुरक्षित राहावेत म्हणून मैदानात उतरणारे तुम्ही, आज अधिकारी म्हणून नव्या भूमिकेत जात आहात, याचा आम्हाला सार्थ अभिमान आहे.

तुमच्या या दैदिप्यमान प्रवासासाठी तुमचे मनःपूर्वक अभिनंदन!! आणि इतकी वर्षे युनियनसाठी दिलेल्या नि:स्वार्थ योगदानाबद्दल व अतुट साथीबद्दल ‘पेट्रोलियम एम्प्लॉईज युनियन’ कडून आपल्या सर्वांचे मनस्वी आभार!!

नवे अंगण… नवी आव्हाने… नवी संधी व नवा सन्मान…

तुम्ही जिथे जाल, तिथे आपल्या संघर्षाचा आणि कर्तृत्वाचा झेंडा असाच उंच फडकत ठेवाल, ह्याचा आम्हांला पूर्ण विश्वास आहे. तुमच्या पुढील प्रत्येक वाटचालीस, प्रगतीस आणि उज्ज्वल भविष्यासाठी पेट्रोलियम एम्प्लॉईज युनियन परिवाराकडून क्रांतिकारी आणि संघर्षमयी शुभेच्छा!

“श्रम की बूंदों से जिसने, नया इतिहास रचा है, सागर की लहरों पर, जिसका नाम बचा है।
चलो चलें कि अभी पथ बहुत शेष है, ऊर्जा के इस महाकुंभ में, हमारा योगदान विशेष है!”

शुभेच्छुक :

– पेट्रोलियम एम्प्लॉईज युनियन,
मान्यताप्राप्त युनियन,
डब्ल्यू.ओ.यु, ओएनजीसी