सहकारी बंधू आणि भगिनींनो..!

आज २१ दिवस ऑन-ऑफ ड्युटी पॅटर्न बाबतच्या ज्वलंत प्रकरणावर पुढील दिशा व धोरण यावर चर्चा करण्यासाठी पेट्रोलियम एम्प्लॉईज युनियनच्या पदाधिकाऱ्यांची अंतर्गत बैठक पार पडली. काल दि. ०६.०६.२०२४ रोजी पेट्रोलियम एम्प्लॉईज युनियन द्वारे १४ दिवस पूर्ण झालेल्या कामगारांना उतरण्याबाबत जाहीरपणे प्रसारित करण्यात आलेल्या आवाहनपत्रा(NOTICE) नंतर काही इन्स्टॉलेशन वरून सकारात्मक कृती झाल्यात व १४ दिवस पूर्ण झालेल्या कामगारांना उतरविण्यात आले परंतु त्याची स्पष्टता देण्यात आलेली नाही.

आज पेट्रोलियम एम्प्लॉईज युनियन आणि सर्व COLLECTIVES यांची संयुक्त बैठक पार पडली बैठकी दरम्यान चारही कलेक्टिव्ह युनियननी १४ दिवस पूर्ण झालेल्या कामगारांना तात्काळ उतरविण्यात यावे या करिता संयुक्तिकरित्या आंदोलन करण्याचे ठरवीत त्याबाबतची पूर्वकल्पना ED-HRO यांना देण्यात आली. ED-HRO यांच्याबरोबर चर्चे दरम्यान ED-HRO यांना JOINT APPEAL देखील देण्यात आले, त्यानंतर चारही कलेक्टिव्ह यांनी ED-HRO यांना पुढील दिशा व धोरणाबाबत कल्पना दिली असता “मला हायर मॅनेजमेंट बरोबर चर्चा करावी लागेल” असे ED-HRO यांच्याकडून सांगण्यात आले.

पेट्रोलियम एम्प्लॉईज युनियन आज ही तिच्या भूमिकेवर ठाम आहे २१ दिवसाची जुलमी व एकतर्फी ऑफिस ऑर्डर रद्द झालीच पाहिजेत अगर असे होत नसेल तर आपली युनियन तिचे ठरलेले धोरण मार्गिकृत करेल असा इशारा बैठकी दरम्यान देण्यात आला. पुढील धोरण आणि दिशा आपल्याला लवकरच कळवण्यात येईल.

पेट्रोलियम एम्प्लॉईज युनियन,
मान्यताप्राप्त युनियन,
डब्लू.ओ.यु, ओएनजीसी, मुंबई